Mandaue mopasaka sa multa sa traffic violators

CEBU, Philippines — Gihugtan karon sa pagpatuman sa kagamhanan sa Dakbayan sa Mandaue ang gilatid nga mga lagda sa trapiko diin pausbawan ang balayranan sa multa sa mga drayber nga makhimo og kalapasan.

Si  Konsehal  Jimmy  Lumapas, chairman sa committee on transportation sa konseho sa siyudad nagkanayon nga ang maong pagpausbaw sa balayranan sa multa ang gitumong kini  alang sa pagsilsil og disiplina ngadto sa mga drayber nga badlongon.

Base sa giaprobahan sa unang pagtuki  sa ordinansahon kabahin niini niadtong Mayo 20, 2024, gisugyot ni Lumpas ang pag-usbaw  sa balayranan sa multa sa kalapasan sa trapiko tungod  sa ilang  namatikdan  nga dili mopakita og pagtahod  ang mga drayber sa citation ticket ug gision pa kini sa atubaggan sa traffic enforcer nga nag-isyu niini.

Nasayran nga sa karaan nga ordinansa P500 ngadto sa P1,000 ang multa.       

Naglakip sa mga lagda nga ipatuman mao ang pagbaton og LTFRB franchise diin

P3,000 ang multa o pag-impound  sa gimaneho niining  sakyanan sa makalapas, pagmaneho nga inbalido ang driver’s license niini nga adunay  mutla nga P2,000 o pag-impound sa gimaneho niining sakyanan.               

Pagmaneho nga ubos sa impluwensiya sa ilimnong makahubog diin P2,0000 usab ang multa sa drayber nga masakpan. BDB BANAT NEWS