Top 1 most wanted sikop sa CIDMU

CEBU, Philippines — Usa ka babaye nga top 1 most wanted person sa rehiyon-7 ang nadakpan ug anaa na sa kustodiya sa kapolisan human giimplementar ang warrant of arrest batok sa suspetsado.

Ang suspetsado usa ka negosyante ug lumad nga taga Quezon City kinsa nag-atubang og kasong kalapasan sa Terrorism Financing Prevention Suppression Act of 2012 Section 8 (11) about Section 9 sa Republic Act 10168.

Si Regional Trial Court (RTC) Judge Marlon Jay Guillena Moneva sa Branch 74 sa Dakbayan sa Sugbo ang nag-isyu sa WOA nga adunay petsa nga Mayo 14, 2024.

Ang korte nirekomendar og P200,000 nga piyansa alang sa temporaryong kagawasan sa suspetsado.

Ang suspetsado nadakpan kini sa mga personnel sa City Investigation and Detective Management Unit sa Cebu City Police Office diha sa North Reclamation Area, Barangay Carreta niining siyudad.

Si Police Brigadier General Anthony Aberin, direktor sa Police Regional Office-7 nidayeg sa intelligence-driven tracking sa mga pinangita sa balaod sa Central Visayas. BDB BANAT NEWS