Housing summit gipahigayon sa Dakbayan sa Sugbo

CEBU, Philippines — Hingpit nga napahigayon ang housing summit sa dakbayan sa Sugbo human sa pipila ka higayon nga pagka uswag niini.

Gitambongan kini sa nagkalain-laing home-owners gikan sa lain-laing associations nga naglaum nga mapanag-iya na ang luna nga gitukoran sa ilang mga panimay ilabi na kadtong gipanag-iya sa Kapitolyo.

Dula-an sa 70 ka opisyales sa laing-laing home-owners ang nagtapok diha sa Community Hall sa City Hall niadtong Sabado.

Ang maong tigum gihimo aron tukion ang mga proseso nga gikinahanglan alang sa mga luna nga ilang giipuy-an.

Segun sa tahu sa News and Information team sa siyudad ang kantidad sa yuta miabot gikan sa P15,000 ngadto sa P40,000 per square meter.

Gawas niini, ang summit gipaabot nga makakuha og kasabutan tali sa Cebu Provincial government kabahin sa maong mga propedad.

Atol sa pre-summit discussions, ang opisina ni acting mayor Raymond Garcia nipadayag nga sulod sa pipila na ka dekada daku na og kausaban sa urbanization ingon man ang nagtubo nga ekonomiya sa siyudad sa Sugbo nga nakahatag og dakung peligro sa public housing.

Ang City Government nakakita sa panginahanglan alang sa pag-establisar og housing program nga dumalahon sa local Housing Board (LHB) nga ipatuman sa Division for the Welfare of the Urban Poor (DWUP) samtang magtukod usab Committee on Housing diha sa Sangguniang Panlungsod alang sa legislative measures. — /MEL (BANAT NEWS)