Paghawan sa 3-meter easement prayoridad sa TFGsB
CEBU, Philippines — Taliwa sa preventive suspension order batok ni Cebu City Mayor Mike Rama, ang Task Force Gubat sa Baha (TFGsB) padayon sa ilang paglihok alang sa three-meter easement ug sa pagbuhi sa kasapaan sa siyudad.
Kini mausab lang kun adunay lahi nga prayoridad ang mamahimong acting mayor.
Suma ni retired Maj. General Melquiades Feliciano TFGSBs chief implementer nga pabiling nag-una sa ilang prayoridad sa taskforce ang paglimpyo sa kasapaan.
Nonot sa suspension ni mayor Rama si Vice Mayor Raymond Garcia mao ang magsilbing acting mayor ug chairperson sa TFGsB.
“Since this is for the people, I think this will continue,” suma pa ni Feliciano pinaagi sa tahu sa News and Information team sa siyudad.
Hinuon si Feliciano miingon nga kun ugaling dunay kausaban nga himoon mag-agad nalang sila sa desisyon sa acting mayor nga mao usab ang milingkod isip chairman sa Tasforce Gubat sa Baha. Sa pagkakaron, ang TFGsB na-busy sa paghawan sa three-meter easement sa Estero de Parian tungod kay mao kini ang area nga sagad makasinate og grabe nga pagbaha.
Sa nasayran si President Ferdinand R. Marcos Jr. nag-awhag na sa tanang mga local government units (LGUs) nga mangandam sa pag-abot sa LA Nina.
“Mga kababayan, ang buong mundo po ay nahaharap sa matinding pagsubok dulot sa tinatawag na climate change, pagbabago po ng panahon. Extreme weather ang nararanasan natin. Matinding init ngayon at sa mga susunod na buwan naman ay asahan natin ang matindi naman na pag-ulan,” ang pamahayag ni President Marcos. (BANAT NEWS)
- Latest
