P5 usbaw sa pletihan sa MPUJs pangayoon
CEBU, Philippines — Nagplano ang Cebu Integrated Transport Multi-Purpose Cooperative (CITRASCO MPC) ug uban pang mga sakop sa pederasyon sa Modernized Public Utility Jeepneys (MPUJs) pagpangayo og usbaw nga P5 sa singil sa minimum nga pletihan.
“As of this time, max would be P20 para sa minimum na justifiable i-ask. And if ever LTFRB will grant an increase, I’m looking at P17 tops,” matud pang CITRASCO general manager ug presidente sa grupo nga si Ryan Benjamin Yu.
Mao kini ang tubag ni Yu sa unang pamahayag ni Greg Perez, presidente sab sa Pagkakaisa ng mga Samahan ng Tsuper at Opereytor Nationwide (Piston)-Cebu nga ang minimum fare sa MPUJs mosaka gikan P40.00 hangtud P45.00. Sa pagkakaron, ang minimum fare sa MPUJs P15.00. Kun aprubahan sa LTFRB ang usbaw nga P5, mahimo na kining P20.
Si Perez mibasi sa iyang pangagpas sa pletihan pagtuon nga gihimo sa IBON Foundation.
“Dili na sa PISTON but mao na ang nigawas nga amount base sa study sa IBON Foundation,” pasabot pang Perez sa buwag nga interbyu.
Matud niya, sila sa PISTON nagtuo sa resulta sa maong pagtuon ilabi na nga kaning ilang mga modernong pasaheroan nagkantidad gikan P2.2 million ngadto sa P2.8 million per unit.
“Mao na ang momahal gyud ang pletehan kay mahal man ang unit sa MPUJs. Anha na kuhaon sa mga operators sa pletehan ang ilang ibayad sa loan,” dugang pa ni Perez.
Apan si Land Transportation Franchising and Regulatory Board-7 regional director Eduardo Montealto, Jr. mipadaplin sa pangangkon ni Perez kay wala kini basihan ug legal nga basihan.
Matud pa sa pamahayag ni Montealto ang pletihan gitakda sa LTFRB aron protektahan ang mga sumasakay, di kini mausab basi lang sa mga tagna-tagna o espekulasyon.
Si Yu miingon nga kun moduso sila og petisyon, apilon nila nga rason ang pagsaka sa presyo sa produktong petrolyo.
Apan si Montealto miingon nga tanang kausaban sa pletihan mag-agi og makuting pagtuon sa National Economic Development Authority and Department of Energy. The Freeman
- Latest
