Nagpatay sa 14-anyos pangkasohan karon

CEBU, Philippines — Ipasaka karong adlawa sa Talisay City Police Station ang kasong obstruction of justice, reckless imprudence resulting to homicide ug illegal possession of firearms batok sa tulo ka mga suspek sa pagpusil patay sa 14-anyos nga babaye samtang nag module sulod sa ilang panimalay sa V. H Garces, Barangay Consojong, siyudad sa Talisay niadtong Biyernes, Abril 26, 2024.

Ang mga kasohan duha ka lalake ug usa ka babaye.  Matud ni Police Lieutenant Colonel Epream Paguyod, hepe sa Talisay City Police Station nga na establisar na nila ang kalambigitan sa tulo sa kamatayon sa bata.

“Tatlo po yung suspects, na established po natin base on the account of our witnesses and our recovered evidences,” sigon ni Paguyod.  Na-recover na sa kapulisan ang armas nga giingong maoy gigamit sa pagpusil ug kini ipaubos sa ballistic examination as Regional Forensic Unit-7.

“Ang na recover natin na armas is revolver pero .9mm yung bala, ‘yung recolver na ‘yun may basiyo doon na hindi na extract. So, we will submit it to the crime lab for ballistic examination,” asoy ni Paguyod.

Gitug-an sab ni Paguyod nga aksidente ang nahitabo sa pagkapusil sa 14-anyos base sa testimonya sa mga saksi ingon man mga ebidensiya nga ilang nakuha.

Ang usa ka lalaking suspek maoy giingong aksidenteng nakapusil sa biktima maong kasohan siya og Reckless Imprudence Resulting to Homicide ug ingon man illegal possession of firearm.

Samtang kadtong duha ka nga iyang kaubang babaye ug lalaki kasohan sab og obstruction of justice.

“Ang nangyari po kaya po tayo may kakasuhan ng reckless imprudence resulting to homicide ay yung may-ari po ng baril ay may inexcusable negligence kaya nahitabo po yung insidente na yun. At the same time pa-file-an din po natin siya ng illegal possession firearms…Then about naman sa mapa-file-an ng obstruction of justice, of course as you all know pag may alteration ng evidences, misleading our investigation at saka fabricating the evidences kaya po natin pa-file -an ng obstruction of justice ‘tong mga suspek nato,” pasabot ni Paguyod.

Wala motug-an si Paguyod kun unsay relasyon sa biktima ug sa mga suspek kun managhigala ba sila o managparyente ra. — /IBM (BANAT NEWS)