Frasco niawhag sa BFP ug DILG pagpalit og firefighting helicopters

CEBU, Philippines — Niining padayon nga pagsaka sa gidaghananon sa sunog sa nagkadaiyang lugar sa nasud, si Kongresista ug Deputy Speaker Duke Frasco niduso sa House Resolution No. 1686 nga nag-awhag sa Bureau of Fire Protection ug sa Department of Interior and Local Government (DILG) pagpalit og firefighting helicopters.

Sa iyang Facebook account si Frasco nagkanayon nga nisaka og 25 porsyento ang  insidente sa sunog sa nasud sulod lang sa unang duha ka bulan sa tuig 2024. Kasagaran sa nahimong hagit sa mga bombero mao ang kalangay sa pag-abot sa lugar nga nasunog tungod sa grabeng trapiko ug kalisod sa pag-access o pagsulod sa lugar nga nasunog tungod kay sudlonon kini ug gamay kaayo ang dalan ug daghan pa ang gababag.

 Seeing the need for a more effective and efficient conduct of fire suppression operations, Cong. Duke Frasco considers aerial firefighting as an alternative and highly effective approach to address these challenges , tipik sa post sa FB page ni Frasco.

Dugang ni Frasco nga importante nga mahatagan og dugang nga kapasidad ang BFP ug mapalambo ang ilang pagtubag sa sunog pinaagi sa pag-upgrade sa ilang pagserbisyo ubos sa pipila ka mga lakang sama sa pagpalit og bag-o ug modernong ekipo ug sakyanan sama sa firefighting helicopters ubos sa modernization program sa BFP.  (BANAT NEWS)