Motor vs Elf, usa patay

CEBU, Philippines — Usa ang patay sa nahitabong sa disgrasya sa National Road, Barangay Yati, Lungsod sa Liloan pasado alas 12 sa kaadlawong kagahapon, Abril 23, 2024, Martes sa dihang nagkabangga ang usa ka motorsiklo ug Elf Van.

Ang driver sa motorsiklo nga nakalas mao si Reynaldo Cabiles, 47, usa ka habal-habal driver ug residente sa District 4, Tandang Sora, Barangay Pulpogan, Lungsod sa Consolacion.

Samtang ang driver sa Elf van mao si Marlon Baiarcal, 26, molopyo sa Tawason, Barangay Talamban sa siyudad sa Sugbu.

Base sa inisyal nga imbestigasyon sa Liloan Municipal Police Station ang motorsiklo ug elf van nagbiyahe sa managlahi nga direksiyon.

Ang motorsiklo paingon sa north bound gikan sa south bound samtang ang Elf van nagbiyahe gikan sa dakbayan sa Bogo paingon sa Talamban, Cebu City.  Sa pag-abot sa National road, Barangay Yati sa maong Lungsod giingong mi-overtake unta ang motorsiklo sa gisundang pribadong sakyanan apan napunggit kini sa kasugat nga Elf van hinungdan sa naangkong grabeng kadaut sa kalawasan nga nakaingon sa kamatayon ni Cabiles.

Naa karon sa kustodiya sa kapulisan sa Lungsod sa Liloan ang driver sa elf van nga posibleng mag-atubang og kasong Reckless Imprudence Resulting in Homicide and Damage to Property. IBM BANAT NEWS