Online, blended, ug modular classes gipatuman tungod  init ang panahon

CEBU, Philippines — Kahugpongan sa mga private schools nagpatuman og nagkadaiyang learning modalities paglikay sa epekto sa kainit sa panahon, ang uban kanila nagpatuman og online classes.

Sa unang higayon gipahigayon sa gawas sa NCR ug karong tuiga sa Dakbayan sa Sugbo ang panagtigom sa di momenus 200 ka miyembro sa Federation of Associations of Private Schools and Administrators kon FAPSA nga gitambongan usab sa mga opisyal sa Department of Education (DepEd).

 Giangkon nila nga grabe ang kainit sa panahon ug apektado ang kalihokan sa ilang mga eskwelahan busa mipatuman usab sila og mga pamaagi aron dili mahimutang sa peligro ang mga tinun-an.

Sa usa ka tunghaan sa lungsod sa Compostela, ang mga magtutudlo ra ang anaa sa classrooms nga nag atubang computer sa ilang pagtudlo sa mga tinun-an nga atoa sa mga pinuy-anan.

 Ang Regional Director sa DepEd Dr. Salustiano Jimenez, nibutyag nga ilang gi-respeto ang pagsuspenso sa face to face classes sa pipila ka mga Local Government Unit sa Sugbo kay gitan-aw usab nila kun unsa ang makaayo sa mga tinun-an subay sa nasinati karon nga hilabihan nga kainit sa panahon.

Sa pikas bahin, si Mayor Gerald Anthony  Samsam  Gullas sa Dakbayan sa Talisay nipahibalo nga sugod adlaw nga Lunes ang flag raising ceremony anha na ipahigayon sulod sa building aron dili na daghan mogawas.

Ang mayor nitug-an nga human sa ilang mga tigum ug nakadeklarar na sila sa suspension sa mga klase sa tanang mga tinun-an sa pampublikong tunghaan sa Talisay tungod sa init sa panahon.

 Samtang sa Siyudad sa Mandaue gimando ni Mayor Jonas Cortes ang pagpatuman og blended learning sa tanang tulunghaang publiko ug mga pribado. Ang face-to-face nga klase sa Kindergarten hangtod sa Senior High School himuon sugod sa alas-6 sa buntag hangtod sa alas-11 sa dayong nang kaudtohon. Ini og hapon, modular nalang ang klase ug bahinon ang mga estudyante.

 Ang Set A magklase sa  adlaw'ng  Lunes ug Miyerkules ug  ang  Set B maoy magklase sa Martes ug Huwebes ug ang uban nga mga adlaw himoon na lamang sa modular nga pagklase sa mga bata.

Una ng nipasuspenso sa klaseo si Mayor Junard "Ahong" Chan sab sa Lapu-Lapu City ug susamang kamandoan usab ang giluwatan ni Mayor Cesar "Didoy"  Suan sa Lungsod sa Cordova ug Mayor Teressa Alegado sa  Lungsod sa Consolacion. Gabriel Bonjoc, Romeo T.  Limpangog (BANAT NEWS)