15 ka lain-lain og tinuohan nagpabunyag sa simbahang katoliko
CEBU, Philippines — Dili mominos sa 15 ka mga converts gikan sa lain-lain nga relihiyon ang gibunyagan sa simbahang katoliko sa Archdiocesan Shrine of Our Lady of Lourdes Parish, Punta Princesa Cebu atol sa Easter Vigil Mass.
Ang kura paruko sa Archdiocesan Shrine of Our Lady of Lourdes Fr. Jun Paradiang maoy nangulo sa kalihukan.
Ang mga gibunyagan ngadto na sa pagka katoliko mao ang 6 Iglesia ni Kristo; 2 Aglipay; 2 Baptist; 2 Dios Amahan;1 Mormons; 1 Freethinker; 1 Muslim.
Matud pa ni Fred Tundag, Vice President Marian Council ubos sa Commission on the Laity ni Fe Mantuhac-Barino, adunay uban ani nila nga gibunyagan nga dayo lang sa Cebu ug nangita sa ilang simbahan.
Apan kay wala man silay nakit-an og mag-agian man sila sa parokya sa Punta ug didto nisuway og simba hangtud nga nakadesider nang magpabunyag sa tinuohan sa katoliko ug gipaubos sila sa doctrinal catechesis.
Sumala pa ni Tundag, unang higayon kini sa parokya ug sa Archdiocese nga ingon ani kadaghan ang mga gibunyagan nga mobalhin sa pagka katoliko. (BANAT NEWS)
- Latest
