Kagamhanan sa Danao nag-awhag alang sa pagsalmot sa earth hour
CEBU, Philippines — Ang lokal nga kagamhanan sa dakbayan sa Danao niawhag sa mga Danawanon nga moapil sa Lights Off Danao, usa ka kalihokan subay sa ipahigayon nga earth hour 2024 karong Sabado.
"To show our support and commitment to our environment the city of Danao is likewise is eager to join and participate in this movement" pagbasa sa executive order nga giluwatan ni Mayor Mix Durano.
Ang earth hour mahitabo alas 8:30 sa gabii hangtod alas 9:30 o usa ka oras. Usa kini ka tinuig nga kalihokan nga ang tinguha nga makadaginot og gamit sa kurente lakip na ang pagtabang sa kalikopan batok sa climate change.
Sa Sabado ipahigayon sa dakbayan sa Danao ang Earth Hour Run 2024 ug Lights Off Danao sa Boardwalk alas 7 sa gabii.
"Let us give Mother Earth an hour to rest that s 60 minutes of saving energy and giving her time to breath" sumala sa LGU. (BANAT NEWS)
- Latest
