“Bawal Bastos” law gipasabot sa kabataan sa Talisay
CEBU, Philippines — Gihatagan og ideya ang mga tinun-an sa Talisay City National Highschool sa balaod nga Safe Spaces Act o gitawag nga “Bawal Bastos” law.
Ang Sangguniang Kabataan (SK) sa Barangay Poblacion pinangulohan ni Neriah Olive Bonjoc, barangay council ug ang kapolisan sa Dakbayan sa Talisay nihimo og symposium labot niini.
Gituyo kini aron ang kabataan masayod sa ilang katungod ug di sila magbastos diha sa publikong mga lugar.
Si Police Senior Master Sergeant Genevive Undalok nihatag sa iyang mga panahom labot sa balaod ug unta pahimuslan gyud kini aron maleksyon ang mga magbinastos sa palibot.
Nasayran ang “Bawal Bastos” law o RA 11313 nahimong balaod niadtong tuig 2019.
Kini may kalambigitan sa sexual harrassment nga mahimo diha sa pampublikong lugar, educational or training institutions, trabahoan ug bisan pa sa online space.
Samtang si Police Corporal Frednier Turmon ang nihatag sab og mga tambag sa kabataan nga likayan gyud ang pagkalambigit sa drugas. MEL BANAT NEWS
- Latest
