Hotel kansang kisame nahugno buot ipasusi ngadto sa OBO

CEBU, Philippines — Si Konsehal Rey Gealon sa Dakbayan sa Sugbo nipasar og resolusyon nga nag-awhag sa OBO nga mosusi sa structural integrity sa usa ka hotel nga nahugno ang usa sa mga balcony niini.

Ang maong hotel naa nahimutang sa Barangay Kamputhaw, Domingo sa gabii nga niresulta sa pagpanguba sa mga naka-parking nga mga sakyanan sa maong dapit.

Nipasar siya og resolusyon nga nag request sa Office of the Building Official nga mosusi sa Structural Integrity sa Building alang sa kaluwasan sa publiko.

Sumala pa ni Gealon, human sa pagsusi kung diin mapamatud-an kini nga structurally infirm o nakompromiso, ang OBO kinahanglan mosumiter kini sila og detalyado nga report, sulod sa dinalian nga panahon aron mahatagan gilayon kini og dinalian nga aksyon.

Dugang pa ni Gealon, kung gikinahanglan pa sa sitwasyon nga irekomenda sa buhatan sa Mayor nga ihunong sa makadiyot ang operasyon sa maong hotel hangtud nga masiguradong luwas kini.

Gibutyag ni Gealon, ang OBO kinahanglan mosiguro sa safety, ug compliance sa buildings and structures sa Cebu City.

Gitahasan ni Gealon, ang Office of the Sanggunuang Panglungsod Secretariat nga mohatag og kopya sa maong resolution ngadto sa buhatan sa OBO alang sa ilang information. IBM BANAT NEWS