Cuenco nibalibad sa imbitasyon ni Rama

CEBU, Philippines — Pormal na nga nibalibad si Cebu City Councilor James Anthony Cuenco sa imbitasyon ni Cebu City Mayor Michael Rama sa paglakip kaniya sa line-up diin matud ni Cuenco nga dili na siya modagan sa bisan unsa nga pwesto sa sunod nga pinili-ay.

Sayo pa, nipahibaw si Mayor Michael Rama sa iyang line-up alang sa pinili-ay sa sunod tuig diin lakip niini si Cuenco bisan sa managlahi nilang baroganan kabahin sa pagpatukod sa Cebu Business Rapid Transit (CBRT).

Matud ni Cuenco nga mapasalamaton siya sa paglakip ni Rama kaniya apan iyaha na kining gibalibaran tungod kay moretiro na siya.

I thank the mayor for his continued trust and confidence in me but I would like to respectfully beg off from including myself in the ticket. I have decided that although this is my second first term, I have decided to retire from politics , matud ni Cuenco.

Si Cuenco direktang kaliwat sa unang mayor sa siyudad nga si Mariano Jesus Diosomito Cuenco ug sakop usab sa usa sa mga inilang pamilya sa politika sa dakbayan.

Gibutyag ni Cuenco nga stressful alang kaniya ang mga nilabay ng buwan nga natad sa politika sa dakbayan ug usa kini nga iyang gilikayan nga makaapekto sa iyang panglawas.

It is better nga sayo pa lang mo likay nalang ta but even if I am no longer in public service, no longer in the government, our family for the longest time, nagsilbi man, and we will always treasure the memories with our people, and we will continue help in whatever capacity , dugang ni Cuenco.  (BANAT NEWS)