VM Garcia magpabilin nga tandem ni Rama sa sunod nga eleksyon

CEBU, Philippines — Giklaro ni Cebu City Vice-mayor Raymond Garcia nga pabilin siya nga makig tandem kang Mayor Mike Rama sa eleksyon sunod tuig.

Segun sa tahu sa News and Information team sa siyudad nga giklaro na kini ni Garcia ngadto sa mga barangay captains ug ubang representatives nga mitambong sa orientation-seminar sa “synchronized registration” alang sa “Socialized Housing Program” niadtong Biyernes.

Suma pa ni vice mayor Garcia nga malipayon ra siya sa direksyon sa mayor ilabi na sa housing program niini.

“I know I can make a difference in that committee sa housing, ilabi na sa mga constituents nga walay mga panimalay,” segun pa ni Garcia kinsa maoy pangu sa committee on housing sa konseho sa dakbayan.

Samtang gikompirmar usab ni Rama nga magpabilin ang Rama-Garcia tandem atol sa selebrasyon sa 87th Charter Day sa South Road Property kagahapon.

“Ilang amahan diha sa konseho, atong inahan sa syudad sa Sugbo…As I have told him, nganong ato mang gub-on ang formula sa 2025?” suma ni Mayor Rama.

“With pride, privilege and distinction and with no fear of contradiction, still my vice-mayor for 2025, Raymond Garcia! Kay ang uban, mag una…We are a family of servants, and I guarantee as your leader, I always look back who has been with us and stood for us and precisely mamo ni ang atong pamilya, dugang sa mayor. Gikan sa The Freeman, MEL BANAT NEWS