16 patay sa landslides ug baha
CEBU, Philippines — Miabot na og 16 ka tawo ang nakalas sa padayong pagbunok sa uwan sa Mindanao nga nimugna og mga langdslides ug paglunop sa tubig sa baha sumala pa sa National Disaster Risk Reduction Management Council (NDRRMC) kagahapon adlaw nga Domingo.
Ang mga nakalas giingong gikan tanan sa Davao region nga maoy gikuso-kuso og maayo sa pagbunok sa uwan sud na sa usa ka semana.
Gawas sa kompirmadong nakalas, tulo ka tawo sab ang na-missing samtang 11 ang nangaangol.
Ang dautang lakaw sa panahon nakaapektar na sa 772,000 ka tawo sa amihanang bahin sa Mindanao, Davao region, SOCCSKSARGEN, CARAGA, ug ingon man sa Bagsamoro Autonomous Region in Muslim Mindanao (BARMM).
Ang 409,000 napugos og bakwit gikan sa ilang mga pinuy-anan.
“Last week, we experienced a series of rains here due to a shear line. That rain caused flooding and led to many evacuations. After a five-day gap, it rained again due to an LPA,” matud pang Rep. Maricar Zamora (Davao de Oro) sa interbyu kaniya sa TeleRadyo Serbisyo. “The second round of rain was quite heavy, and because not all the water from the first round of rain had drained yet, the flooding is higher now during the second round,” dugang pa niya.
Basi sa pasiunang pagbanabana sa NDRRMC moabot og P2.6 milyones ang danyos sa mga imprastraktura.
Ang gobiyerno nakatunol na og P10.9 milyones nga hinabang para sa mga apektadong pamilya. — /IBM (BANAT NEWS)
- Latest
