Filipino Homes nilusad og global partner aron pagtabang sa mga OFWs

CEBU, Philippines — Isip pagtabang sa mga Overseas Filipino workers nga malikay sa mga scammer ilabi na sa pagpalit og real estate properties sa Pilipinas, ang Filipino Homes nilusad sa Global Partners Facility.

Ang Global Partners usa ka pioneering facility nga maghatag sa mga pinoy nga nagtrabaho o nagpuyo sa gawas sa nasud sa insakto nga information may kalabutan sa property investments sa Pilipinas.

Matud pa sa founder sa Filipino Homes, Anthony Gerard Leuterio nga ang pagbukas sa Global Partners kay naa sa Dubai, United Arab Emirates isip pilot area.

Ang maong pasilidad maoy magsuporta sa mga Filipino homes plans nga mopalapad sa daghan nga nasud diin adunay daghan pinoy ug maghatag kanila og physical access pinaagi sa mga advises ug consultation may kalabutan sa real estate investments ug mga issues sama sa scammers ug uban pa.

Ang Global Partners facility maoy magsilbi nga mata ug dunggan aron makita ang illegal nga real estate nga kalihukan sa gawas sa nasud.

Si Leuterio nipadayag sa iyang commitment nga ang Global Partners makig-alayon sa mga reputable developer partners sa Pilipinas ug nisiguro sa ka legit sa mga proyekto nga gibaligya ug gi promote sa gawas sa nasud.

Gitug-an ni Leuterio human sa Dubai ang Filipino homes nagtinguha nga mobukas sa dili mominos upat ka mga Global Partners facilities sa 2024 nga naglangkob sa Japan, Canada ug United States.

Nagtanyag usab kini og assistance sa mga OFWs kansang mga propedad dinhi sa Pilipinas kinahanglan paabangan o rental deals.