Mama migamit sa mga anak sa cyberporn

CEBU, Philippines — Patong-patong nga kaso ang atubangon sa usa ka 31-anyos nga ginang human kini gidakop sa mga sakop sa National Bureau of Investigation Central Visayas sa usa mga barangay sa Lungsod sa Pinamungahan niadtong Huwebes sa buntag.

Ang ginang kansang pangalan gipugngan tungod ang mga biktima mga batang babaye gidakop tungod sa pasangil nga nalambigit kini sa cyber pornography.

Ang NBI miingon nga ang ginang nakalapas sa Cyber Crime Prevention Act of 2012 (Child Pornography); Anti-online sexual abuse or Exploitation of Children and Anti Child Sexual Abuse or Exploitation Material Act; RA 10364 or the Expanded Anti-Trafficking in Person Act of 2012 ug RA 7610 o mas naila Special Protection of Children Against Abuse Exploitation and Discrimination Act in relation to Sec .6 of RA 10175 o Cybercrime Prevention Act of 2012.

Tulo ka mga minor de edad ang na rescue, ang duha niini nga nag-edad og 8-anyos ug ang  12-anyos nga lalaki mga anak sa suspek ug ang 15 anyos nga pag-umangkon sa kapuyo niining tomboy.

Matud pa sa NBI dunay koordinasyon sa mga otoridad sa Amerika ang maong operasyon tungod namonitor na nila kini didto isip high-volume producer og child cyberpornography materials o videos nga gibaligya didto.

Nasulod sa laang suspek dihang kini nakig-chat kini sa usa ka langyaw nga usa diay ka ahente sa US Homeland Security ug  gipangayoan kini og P2 mil para ibayad sa kuryente bugti sa video sa anak niini nga babaye nga naligo gamit ang cellphone.

Ang video sa bata nagpakita sa hubo niini nga lawas samtang kini gimandoan nga mohimo og provocative pose nga  gikonsiderar nga child pornography.

Gawas sa videos, giingong mo-live show sab kini sa iyang kaugalingon ngadto sa mga langyaw nga kliyente.

Niadtong buntag sa Enero 25, 2024 sa buntag gipanid-an sa NBI ang panimalay sa suspek  kung asa kini naghimo sa iyang mga malaw-ay nga binuhatan.

Niadtong Enero 30, 2024 ang buhatan sa Cebu City RTC Branch 11 nipagawas og warrant to search, seize and examine computer data batok sa dinakpan lakip ang pagsusi sa tanan mga kabtangan nga naa niini.

Ang NBI-7 gikuyogan sa mga social welfare officer sa maong operasyon paghatud sa warrant ug naaktohan ang dinakpan nga nakig-chat maong undercover agent.

Nasakmit gikan sa dinakpan ang mga sex toys, mga cellphone, resibo sa money changer ug WiFi connectivity.

Base sa mga kadagkuan sa NBI-7 nigawas ang pangalan sa maong dinakpan human dunay mga kliyente niining mga langyaw ang nadakpan didto sa US ug nasubay kun asa gikan ang lang mga pornographic videos sa mga bata.— BM  BANAT NEWS