“Hubo” opisyal nga nagtapos sa Pista Senyor 2024
CEBU, Philippines — Ang dili maayong lakat sa panahon sayo sa kaadlawon kagahapon adlaw nga Biyernes wala kini nakapatarog sa mga debotos sa Balaan Bata Senyor Sto. Niño nga maghugop sa Basilica Minore del Sto. Niño de Cebu alang sa ‘Hubo’ nga opisyal nga pagtak-op sa selebrasyon sa Pista Senyor sa Dakbayan sa Sugbu.
Baga gihapong duot sa katawhan ang naghugop alang sa pagtambong sa Hubo Mass.
Kini ang relihiyosong kalihokan nga diin ilisan sa Iyang sapot ang imahe sa Balaang Bata ngadto sa ordinaryo nga bisti gikan sa iyang maanindot nga senina nga gigamit sa kapistahan niini.
Ang Balaan Bata huboan kini sa iyang korona, orb, scepter, armlet, cap, tunic ug uban pa nga gisul-ob ug dayon gikaligo sa mga kaparian nga Agustino.
Atol sa hubo, aduna usab Santos nga Misa nga gipahigayon nga gipangulohan ni Fr. Jaime Silvestre Parmisano.
Siya nipahinumdum sa mga magtutuo nga ang ritwal sa Hubo nagsimbolo sa kamaayo sa Ginoo ngadto sa tanan. Ang ritwal sa Hubo mao ang nagtak-op sa ika-459th Fiesta Señor.—IBM BANAT NEWS
- Latest
