Way liquor ban sa dakbayan sa Mandaue
CEBU, Philippines — Walay ipatuman nga liquor ban ang kagamhanan sa siyudad sa Mandaue atol sa pagpahigayon sa Sinulog Grand Showdown sa siyudad sa Sugbo karong adlawa, Domingo Enero 21, 2024.
Kini ang gipahibalo ni Atty August Lizer Malate nga maoy pangulo sa Business Permit and Licensing Office (BPLO) nga nahinabi sa mga tigbalita.
Matud pa ni Atty Malate nga nunot niini nagkinahanglan lamang gayod og permit ang matag establisamento nga adunay recreational activities sa maong adlaw.
Sa nasayran nga gipahibalo sa BPLO nga gitugot sa Mandaue City ang mga recreational activities sa pagsaulog sa Sinulog basta aduna lamang kini coordination ug permits.
Kahinumduman nga pipila na ka mga semana ang nakalabay ang buhatan sa BPLO sa siyudad sa Mandaue ang nagpahibalo na ngadto sa mga Bar Owners sa dakbayan labot niini apan kinahanglan lamang gayod nga sundon usab ang polisiya nga gikinahanglan sa kagamhanan. (BANAT NEWS)
- Latest
