Mga Martinez nakig-alyansa na sa One Cebu
CEBU, Philippines — Ang One Cebu Party nga nag-unang political party sa Probinsiya sa Sugbo nisamot kalig-on tungod kay ang mga Martinez sa Dakbayan sa Bogo nakig-alyado na kini sa nahisgutang partido diin ang panag-alyansa gipahigayon diha sa Bogo City Hall Complex sa niaging adlaw.
Si Bogo City Mayor Carlo Martinez uban kang Bise Mayor Mayel Martinez ug Bokal Celestino “Tining” Martinez III ang nanumpa kini sa ilang allegiance sa One Cebu Party nga gipangulohan ni Gobernador Gwendolyn Garcia.
“A reunification 20 years in the making. A dream shared by our fathers, Gov. Pabling Garcia and long-time Bogo City Mayor Celestino "Junie" Martinez, Jr. in their lifetime—realized by their children”, matud ni Kongresista Pablo John “PJ” Garcia diha sa iyang Facebook page.
Kauban sa mga Martinez ubos sa One Cebu ang napulo ka konsehal sa Dakbayan sa Bogo, ang tanang 29 ka barangay kapitan sa nahisgutang dakbayan ug 242 ka barangay kagawad, usa ka makasaysayanong panghitabo dili lang sa Bogo, kon dili sa tibuok Probinsiya sa Sugbo.
“I am not only happy as the Secretary-General of One Cebu that we have united; I am happy especially as the son of Pabling Garcia to fulfill his dream of unity, together with my sister Gov. Gwen Garcia, and Bogo City's steadfast leaders: Mayor Carlo Martinez, Vice Mayor Mayel Martinez, and Board Member Celestino "Tining" Martinez III”, matud ni PJ samtang nag-abi-abi sa Dakbayan sa Bogo ngadto sa One Cebu.
Base sa taho sa Sugbo News, si Gobernador Gwendolyn Garcia nalipay usab sa panaghiusa sa duha ka pamilya ug sa uban pa.
Gipanglantawan sa gobernador ang dugang pag-uswag sa Bogo ubos sa pagpangulo sa mga batan-ong Martinez. Gikan sa The Freeman, BDB (BANATNEWS)
- Latest
