Mga kawani sa Mandaue City nga nahimong abogado gipasidunggan
CEBU, Philippines — Gipasidunggan sa kagamhanan sa siyudad sa Mandaue ang mga kawani niini nga nahimong bag-ong mga abogado human sa ilang pagpasar sa 2023 bar examination.
Gidayeg ang ilang mga gihimo sa pagbalanse sa oras sa ilang pagtrabaho ug ingon man ang oras sa ilang pagtuon nunot sa ilang tinguha nga makab-ot ang titulo sa abogasiya.
Si Mandaue City Mayor Jonas Cortes maoy nangulo sa paghatag og pasidungog ug gitambongan usab kini sa uban pa nga mga opisyal sa kagamhanan sa maong siyudad.
Naglakip sa gipasidunggan mao sila si Atty Mitzj Marie Abadia, Atty Reden Jalyn Paracuelles, Atty Mike Dela Serna, Atty Trixia Carbonilla ug Atty Abigail Lauro.
Nunot niini gihangop sa mga bag-ong abogado ang maong pasidungog ug nagpasalamat sa kagamhanan ug ilang gisaad ang pagpadayon sa pagserbisyo sa katawhan nga adunay intigridad. — MEL (BANATNEWS)
- Latest
