Kapolisan andam na sa pagsugod sa mga kalihokan sa Fiesta Se or

CEBU, Philippines — Andam na ang kapolisan sa rehiyon 7 sa pagbantay sa pagsugod sa mga rehiliyosong kalihokan sa Fiesta Se or ingon man sa Sinulog Grand Parade karong Enero 21, 2024.

Gipahigayon kagahapon ang send-off ceremony sa Task Force Fiesta Se or ug Sinulog Philippines 2024 sa Block 5, Concert Ground sa SM Seaside diin niabot ngadto sa 3,500 ka personnel gikan sa Philippine National Police, Armed Forces of the Philippines, Philippine Coast Guard, Bureau of Fire Protection ug ubang kawani sa Cebu City Government ang lakip niini.

Diha usab ang kaparian sa Basilica diin ang imahen ni Santo Ni o gidala ug gibendisyonan usab ang mga moserbisyo sa Sinulog 2024 gikan sa Enero 11 hangtud sa petsa 22.

Nitambong usab sa maong send-off ceremony si Cebu City Mayor Michael Rama kinsa nagkanayon nga kinahanglang magbinantayon kanunay ilabi na sa pagbantay sa seguridad.

Hugot usab ang mando ni Rama nga walay signal shutdown nga mahitabo gumikan kay lisod ang pag-contact kon ugaling adunay emerhensiya nga mahitabo.  Subay sa maong kagustohan ni Rama, si Police Colonel Ireneo Dalogdog, direktor sa Cebu City Police Office nitataw nga andam sila motuman sa desisyon sa mayor.

Giklaro usab ni Dalogdog nga padayon ang ilang preparasyon ilabi na sa pag-adjust sa ilang deployment aron masiguro ang kaluwasan sa tanan. Sa dili pa ang kalihokan adunay himuon nga simulation ang kapolisan aron makita ang angayan pa nga palambuon.  (BANAT NEWS)