Seguridad sa Traslacion gipangandaman na sa kapolisan

CEBU, Philippines — Gipangandaman sa kapolisan ang paghatag og seguridad sa traslacion nga pagahimoon sa Imahen ni Senior Santo Nino gikan sa Basilica Minore Del Sto. Nino sa Siyudad sa Sugbo ug dad-on pinaagi sa pagmotorkada paingon sa National Shrine of Saint Joseph sa siyudad sa Mandaue ug paingon usab sa National Shrine sa Birhen sa Regla sa Siyudad sa Lapu-Lapu.

Karong Enero 19 himoon ang traslacion ug naandan nga isakay sa karo kauban sa imahen sa Santo Nino ang Imahen sa Birhen sa Guadalupe nga pagaubanan sa kaparian sa Basilica, mga deboto ug mga opisyal sa siyudad nga pangulohan ni Cebu City Mayor Michael Rama.

Si Mandaue City mayor Jonas Cortes mao usab modawat sa imahen nga mag-atang diha sa Barangay Subangdaku ug dad-on ngadto sa National Shrine of Saint Joseph sa Barangay Centro.

Sa Biyernes, alas 10 sa gabii ang Imahen ni Senior Sto. Nino dad-on na usab kini sa siyudad sa Lapu-Lapu nga moagi sa First Mactan Mandaue Bridge ug sugaton kini ni Mayor Junard "Ahong" Chan alang sa pagdala na sa Balaang Imahen ngadto sa National Shrine sa Birhen sa Regla sa Barangay Poblacion.

Napahigayon usab kaganinang kadlawon ang Walk with Jesus nga nanukad sa Fuente Osme a ngadto na sa Basilica Minore del Sto. Ni io de Cebu alang sa pagbukas na sa Ika 459th Fiesta celebration uban sa tema nga Sto. Ni o Magnet of Love in the Synidal Church.

Human sa Penitential Foot Procession alas kwatro sa kadlawon gisundan kini sa installation sa bag-ong Hermano ug Hermana Mayores.

Samtang si Archbishop Jose Palma sa Archdiocese of Cebu, maampoon nga adunay pamaagi nga makita gihapon ang panaghiusa bisan asa man ipahigayon ang Sinulog 2024 subay sa pista senyor.

Matud pa ni Palma, ning tinuig nga pagsaulog sa Sinulog, ilabi na karon nga grasya sa Ginoo diin halos wala nay dako nga hulga sa covid-19.

Nagkanayon ang arsobispo nga mas maayo unta saulogon karon ang Sinulog nga malipayon ug mag-ampo siya nga adunay mga pamaagi nga makita gihapon ang panaghiusa bisan asa man ipahigayon ang maong kalihukan. (BANAT NEWS)