Gullas uyon nga hingusgan og balik ang curfew
CEBU, Philippines — Dakung uyon si Talisay City mayor Gerald Anthony “Samsam” Gullas nga ibalik ang paghingusog sa pagpatuman sa curfew sa Dakbayan sa Talisay.
Si Gullas nipasabot nga wala nila giwagtang ang curfew apan ila lang kini nga gipalugakan tungod sa pagsaulog sa kapistahan hangtud na sa kalag-kalag, pasko ug bag-ong tuig.
Gumikan sa sunod-sunod nga pagpanglungkab sa Talisay diin menor de edad ang responsable nagtinguha ang kapolisan nga estrikto ang ipatuman nga curfew.
Niadtong miaging semana, nakita ang mga menor de edad nga nanglungkab sa pipila ka mga establisamento sa Barangay Poblacion ug nakuha ang ilang modus sa CCTV footage.
Subay niini ang mga otoridad mobalik sa pagrescue sa mga bata nga maglaroy-laroy sa kadalanan sugod sa alas 11 sa gabii hangtud na sa alas 4 sa kadlawon.
Himuon sa kapolisan ang profiling sa mga batan-on aron sa higayon nga ma rescue na usab sila dali nalang sila nga matultolan ilabi na kun makahimo kini og krimen.
MEL (BANATNEWS)
- Latest
