Pabrika sa bihon gireklamo sa mga residente
CEBU, Philippines — Pabrika sa bihon gireklamo sa mga residente sa Barangay Poblacion, Dakbayan sa Talisay nga nahimutang diha sa duol.
Kini human nakita sa mga residente sa Purok Tangkong ug Purok Litos nga namilit ang anoos sa ilang panimalay lakip na diha sa ilang mga tanom.
Ang buhatan ni Kapitan Edward Alesna nakadawat sa reklamo hinungdan nga ilaha usab nga gipadad-an og suwat ang City Health Office ug ang buhatan sa mayor.
Ang grupo sa City Health Office nibisita sa maong pabrika diin ilang napamatud-an ang reklamo sa mga residente.
Ang CHO nipadayag nila kang Konsehal Geo Aznar, Jojo Bas ug Jefferson Seguerra nga quarterly ang paglimpiyo o preventive maintenance sa panghaw sa kompaniya.
Matud ni Bas nga sa kataposan nga quarter nitug-an ang representante sa kompaniya ngadto sa taga city health nga nalat-angan nila ang paglimpiyo sa kataposan nga quarter tungod sa kadaghan sa ilang order.
Hinuon nipasalig ang kompaniya nga sayohon nila ang paglimpiyo karong buwana aron mawagtang na ang reklamo sa katawhan diha sa dapit. — BDB (BANATNEWS)
- Latest
