Mga pasahero midagsa na sa South Bus Terminal

CEBU, Philippines — Nagsugod na sa pagdagsa ang mga pasahero sa Cebu South Bus Terminal alang sa ilang mga biyahe padulong sa ilang tagsa-tagsa ka destinasyon sa mga probinsiya nonot sa pagsaulog sa Bag-ong Tuig.

Karong adlawa gipaabot nga magdasok na ang mga pasahero sa terminal sanglit wala nay trabaho ang kadaghanan sa mga kawani.

Usa sa mga pasahero nga niagi sa Cebu South Bus Terminal nga si Nilo Rosales, kinsa gikan pa sa Bulacan ug mopadulong sa Dumaguete City. Sumala pa ni Rosales, dili mominos sa 20 ka tuig siya wala makauli sa ilang dapit busa excited na siya nga makakita sa iyang mga kabanay. Ang kadagkuan sa CSBT mipasalig nga adunay igong gidaghanon sa mga bus nga kasakyan sa mga pasahero. (BANAT NEWS)