12 ka CICL nieskapo, upat na-rescue og balik sa kapolisan
CEBU, Philippines — Upat sa 12 ka Children in Conflict with the Law (CICL) nga nieskapo sa Operation Second Chance Facility niadtong adlaw’ng Domingo ang na-rescue pagbalik sa Cebu City Police Office (CCPO).
Nasayran nga human niikyas ang maong mga CICL nihimo og greyhound operation ang kapolisan diin nasakmit ang mga cellphone, charger ug uban pang pointed objects sama sa screwdriver ug steel bar maoy hinungdan nga adunay riot nga nahitabo.
Nunot niini, si Police Colonel Ireneo Dalogdog, direktor sa Cebu City Police Office nagkanayon nga padayon sila nga nagpahigayon og rescue operation aron mabalik ang walo ka CICL diha sa pasilidad.
Gikataho nga murder, homicide ug nalambigit sa ilegal nga drugas ang kasagarang kaso sa maong nga CICL.
Nanawagan ang kapolisan sa ginikanan sa maong mga CICL nga i-surrender ang ilang mga anak kon niuli kini sa ilaha aron dili madugangan ang kaso nga ilang atubangon.
Matud ni Dalogdog nga girekomendar nila nga ang tactical intervention mapatuman na sa Operation Second Chance aron dili masubli pa ang insidente.
“Base sa atoang imbestigasyon dati man gud ang katong didto nga area ang mga nag-occupy didto ang kadtong mga batan-on nga katong mga babae unya gibalhin naman tong babae ang nahibilin murag tulo nalang ang katong mga lalaki gitunga nila gibalhin didto sa likod it so happen ang katong kuan didto na pud sila niagi para makagawas sa facility”, butyag ni Dalogdog.
Giklaro ni Dalogdog nga walay control ang kapolisan tungod kay ang nagdumala sa pasilidad ang Cebu City Government.
Giingong si Cebu City Mayor Michael Rama adunay direktiba sa iyang mga sakop nga i-comply kon unsa mga kuwang sa pasilidad aron dili na masubli pa ang insidente. BDB (BANATNEWS)
- Latest
