Pagdaghan sa mga sakyanan dili angay kabalak-an

CEBU, Philippines — Dili ra angay kabalak-an ang gidaghanon sa mga sakyanan nga magbiyahe sa kadalanan sa Dakbayan sa Talisay sa mga adlaw nga nagsingabot ang bag-ong tuig.

Kini maoy gibutyag ni Jonathan Tumulak, pangu sa City of Talisay-Traffic Operation Development Authority (CT-TODA).

Matud pa ni Tumulak nga human sa Pasko mamalik ang mga sakyanan sa siyudad apan di mabalaka kay aduna sab mga tawo nga lahoson na nila ang pag estar sa ilang lugar hangtud sa Bag-ong Tuig.

Sigon pa niya nga naa raman tuod ang mga sakyanan pero di kaayo kini daghan sama sa nagsingabot ang Pasko nga halos tanan nagbiyahe.

Hinuon padayon sila nga naa sa kadalanan nga mag asistar sa dagan sa trapiko diin wala na silay gitugotan pa nga sakop sa CT-TODA nga makaleave sa trabaho.

Ang oras sa mga enforcer mitaas hangtud sa alas 8 ngadto sa alas 10 sa gabii pero inig uli nila diha na mobanos ang pang gabii nga magsaoy-saoy sa Barangay Linao ug San Roque nga maoy nakita nga daghan nga sakyanan.

Ang pagbalik sa mga tawo sa siyudad sa Sugbo mao nasab ang ilang pangandaman sa paghuman sa pagsugat sa Bag-ong Tuig. MEL (BANATNEWS)