20 ka BHW nga moretiro nakadawat og tag P10,000
CEBU, Philippines — Niabot sa 20 ka barangay health workers (BHWs) nga moretiro na ang kadawat og P10, 000 nga “Elderly Pabaon” gikan sa Probinsiya sa Sugbo.
Ang maong 20 gikan kini sa 200 ka BHW nga retirees nga makadawat sa ilang retirement grant gikan sa Kapitolyo karong tuiga.
Si Bokal Stanley Caminero uban ni Provincial Health Officer Rannie Gravador ug Capitol Consultant Christina Giango maoy ni-facilitate sa pag-apod-apod atol sa usa ka seremoniya diha sa Capitol Social Hall niadtong Disyembre 13, 2023.
Ang retiree beneficiaries nga nag-edad og 65-anyos pataas ang nagsilbi isip BHW sulod sa 15 ngato sa 35 ka tuig.
Atol sa maong seremoniyas ang mga nitambong nga BHWs nakadawat usab og gift packs samtang ang uban nakadaog sa raffle.
Niadtong tuig 2011, si Garcia nilusad sa Elderly Pabaon isip pag-ila sa serbisyo sa mga BHW sa probinsiya diin hatagan sila og retirement financial grant. — BDB (BANATNEWS)
- Latest
