9 ka seminarista giordinahan sa pagka-deacon

CEBU, Philippines — Siyam ka seminarista sa Archdiocese of Cebu ang gi ordinahan pag ka deacon, Lunes sa buntag sulod sa Cebu Metropolitan Cathedral nga gipangulohan ni Archbishop Jose Palma uban sa mga Obispo ug kaparian.

Bagang duot sa mga magtutuo ang naghugop sa Cebu Metropolitan Cathedral alang sa pagtambong ug pagsaksi sa Ordination to the Sacred Order of Deacons nila ni Sem. Manuel Luis Bali a; Sem. Ronmarch Reysan Cabase; Sem. Marco Dela Pe a; Sem. Angelito Heraldez; Sem. Primo Kim Huete; Sem. Gabrell Lacanglacang; Sem. Kenzo Jerome Molon; Sem. Benjie Primor ug Sem. Cerilo Romero.

Ang Arsobispo nipadayag nga gikalipay niya uban sa mga kaparian sa Archdiocese ang pag-ordinar sa siyam ka mga deacons nga umaabot na usab nga pari human sa ila unyang mga formations ug uban pa.

Dugang pa sa Arsobispo, usa kini ka dakong gasa diin makita ang lain-lain nga gasa nga gihatag sa Dios nga angay nga pasalamatan.

Si Palma nipaambit usab sa tinguha sa pagmugna sa Archdiocese og laing diocese nga ipahimutang unya sa Dakbayan sa Carcar nga maoy sentro sa South ug sa Dakbayan sa Danao nga maoy sentro sa Norte.

Gikatakda pa kini nga iduso ngadto sa Catholic Bishop Conference of the Philippines CBCP.

Ang mga seminarista nga giordinahan pagka deacon ang mapasalamaton usab sa arsobispo, sa ilang mga ginikanan ug sa tanan nga niuban sa ilang journey ug malaumon nga ilakip gihapon sila sa pag ampo sa mga magtutuo hangtud na unya sa ilang pagka pari sa umaabot nga adlaw.  (BANAT NEWS)