Mga drayber gipahimangnoan nga magmabugnawon kanunay
CEBU, Philippines — Ang legal officer sa Traffic Enforcement Agency of Mandaue Hyll Retuya nipahimangno sa mga drayber og sakyanan nga batonan ang kanunay nga kabugnaw sa ilang pagmaneho.
Giluwatan ni Retuya ang mao niyang pahimangno human sa nahitabong sinukmagay sa drayber sa taxi ug L-300 van diha sa Highway Seno sa Siyudad sa Mandaue niadtong Miyerkules sa buntag.
Matud ni Retuya nga posibleng nagkasingkiay ang gimaneho nilang mga sakyanan tungod sa pag-ilogay og lugar sa dalan.
Giingong naatlan nga stop ang signal sa traffic light ug nanganaog ang duha ka drayber gikan sa gimaneho nilang mga sakyanan ug nagsinukmagay.
Base sa report sa traffic enforcer diha sa lugar nga nagbuwag dayon ang duha ka drayber dihang niduol siya ug nag-iyahay kini sa pagsakay og balik sa gimaneho nilang mga sakyanan ug nag-iyahay usab sa pagpdagan pahilayo sa lugar. (BANAT NEWS)
- Latest
