Top 4 most wanted nasikop sa CIDMU

CEBU, Philippines — Nasikop sa City Investigation and Detective Management Unit (CIDMU) sa Cebu City Police Office (CCPO) ang usa ka top 4 most wanted person provincial level nga adunay kasong kalapasan sa 2nd paragraph sa Article 266-A sa Revised Penal Code kun “Rape by Sexual Assault as Amended by Republic Act 8253” diha sa Sitio Laray, Barangay Carreta, Dakbayan sa Sugbo kagahapon sa  buntag.

Ang suspetsado nagpangedaron og 34-anyos, residente sa Sitio Laray sa naasoy nga barangay.

Ang tracker team niimplementar sa warrant of arrest batok sa suspetsado nga giluwatan ni Regional Trial Court (RTC) Judge Stephen Ian Belacho sa Branch 22 ug adunay girekomendar nga piyansa nga P180,000 each count.

Ang suspetsado natanggong karon diha sa Cebu City Police Office custodial facility. — BDB (BANATNEWS)