Parian fire substation plano nga ibalhin sa SRP
CEBU, Philippines — Gisusi ni Cebu City acting mayor Raymond Alvin Garcia, kauban ang mga opisyal sa Barangay Parian ang building sa Parian Fire Substation nonot sa plano nga himoon nga heritage park ang luna nga gitarukan niini.
Tinguha usab ni Garcia nga ipabalhin ang Parian Fire Substation sa South Road Property, apan susihon pa hinoon niini ang gidak-on sa luna nga ihatag aron tukoron sa bag-o nga building. Gitinguha usab nga himoon nga museum ang building sa Parian Fire Substation nga natukod niadtong 1954.
Lakip usab nga gisusi ang Heritage of Cebu Monument nga anaa gihapon sa maong barangay nga kanhi proyekto sa iyang amahan nga si Kanhi Mayor Alvin Garcia.
Sumala pa ni Garcia nga kinahanglan paanindoton ang heritage project sa iyang amahan kay aduna nay mga nangaguba ug kinahanglan na usab kini nga limpyohan.
Kung maanindot na ang maong heritage park pabutangan unya kini og gwardya 24oras aron dili mabinuangan ang maong dapit kay usa kini ka tourist attraction sa dakbayan.
Gipaabot nga mahitabo ang pagpanindot sa lugar sa dili pa saulogon ang heritage month sa buwan sa Mayo tuig 2024. — MEL (BANATNEWS)
- Latest
