Mga sapa, kanal gipahabwaan og lapuk ug basura

CEBU, Philippines —  Gimando ni acting Cebu City Mayor Raymond Alvin Garcia ang paghabwa sa mga lapuk ug basura sa mga sapa ug kanal sa dakbayan aron dili mabara sa tubig baha isip pangandam sa umaabot nga pagbunok og kusog nga uwan.

Ang bise mayor mimando sa Cebu City Disaster Risk Reduction and Management Office (CCDRRMO) ug City's Department of Engineering and Public Works (DEPW) human dunay giingong ikaduhang low pressure area (LPA) nga naa pa karon sa gawas sa Philippine Area of Responsibility (PAR) ug ang shear line o tail end of the cold front nga gipanglantawang magdala sab og kusog nga uwan sa Sugbu.

Ang siyudad nakasinati og mga paguwan sa nanglabay nga mga adlaw tungod sa bagyong Kabayan.

Matud pa sa PIO, nakigtagbo si Garcia ug mga department heads kauban si Engr. Oscar Tabada, retirading weather specialist ug CCDRRMO consultant, ug natuki nga posible ang LPA mokusog kini ini og sulod sa PAR ug tungod pud sa nasinati karong El Niño phenomenon.

“Panahon sa El Niño, mga grabe kakusgan ang bagyo kay layo pa gani na-develop na,” matud pang Tabada.

Gawas sa paglimpyo sa mga agianan sa tubig, gimandoan sab ni Garcia ang mga kawani sa city hall nga magbantay ug alerto. (BANAT NEWS)