Barangay officials ipaubos sa continuous training

CEBU, Philippines —  Mokabat sa 42,000 ka barangay captains ug ubang bag-ong napili nga opisyales lukop nasud ang ipaubos sa continuous training aron maandam sila sa bisan unsa nga hagit nga moabot nonot sa ilang pagtuman sa serbisyo isip mga barangay leaders.

Suma pa ni Department of Interior and Local Government Secretary Benhur Abalos sa usa ka statement nga ang maong training program nga gitawag og Grassroots Renewal and Empowerment for Accountable and Transparent (GREAT) Barangays molungtad hangtud sa 2025.

Kini gitumong aron makabaton og igong kapasidad ang mga barangay officials sa tanang aspeto sa leadership. “As the basic unit of local governance, at pinakamalapit sa ating mga kababayan sa komunidad, everything starts in the barangay,” suma pa ni Abalos.

Dugang pa ni Abalos nga ang DILG, pinaagi sa Local Government Academy (LGA), mipaniguro nga ang mga bag-ong napili nga opisyales sa barangay andam nga moatubang sa bisan unsa nga hagit sa ilang pagserbisyo.

Gipahibawo sa DILG nga ang training program magsugod sa duha ka adlaw nga basic orientation course aron ipadangat kanila ang mga fundamentals sa pagdumala sa barangay ilabi na sa mga probisyon sa Local Government Code, development planning, budget and finance, participation, ug public ethics and accountability.?

Gawas sa orientation course, mohatag usab sila og technical assistance sa implementasyon sa specialized courses sa barangay governance, enriching citizen participation, and performance management.?

Tukion usab atol sa programa ang Seal of Good Local Governance for Barangays (SGLGB) nga importante alang sa mga barangay officials aron maandam sila sa ilang responsibilidad.

“Malaki ang responsibilidad na nakaatang sa kanila na inilatag ng ating batas. Preparing them now can spell a great deal of difference sa kanilang panunungkulan,” dugang pa ni Abalos. Gikan sa The Freeman