Dalagita giamong-amongan sa ama-ama atubangan sa mga igsuon
CEBU, Philippines — Usa ka 14-anyos nga dalagita nipasaka og kasong pagpanglugos batok sa iyang ama-ama diin ang insidente nahitabo niadtong gabii sa Oktubre 30, 2023 atol sa Barangay ug Sangguniang Kabataan Election diha sa ilang panimalay sa Sitio Bakilid Curva 2, Barangay San Vicente, Lungsod sa Liloan.
Ang dalagita nibutyag ngadto sa women section sa Liloan Police Station nga giamong-amongan siya sa suspetsado atubangan sa 3-anyos niya nga manghud diin niadtong higayona wala sa ilang balay ang ilang inahan gumikan kay niserbisyo kini sa BSKE.
Gawas sa 3-anyos nga manghud diha usab ang ubang igsuon sa biktima ug giingong nakakita kini sa gibuhat ngadto sa kniya sa suspetsado.
Ang kaso nga pagpanglugos giduso na ni Fiscal Desamea Tapangan ngadto sa korte. BDB (BANATNEWS)
- Latest
