Mga napildi nga kandidato mosumiti gihapon og SOCE
CEBU, Philippines — Gipahibawo sa Commission on Election (Comelec) sa Central Visayas nga bisan og napildi sa nilabay’ng Barangay ug Sangguniang Kabataan Elections (BSKE) kinahanglan gihapon nga mosumiter sa ilang Statement of Contribution and Expenditures (SOCE).
Matud ni Atty. Lionel Marco Castillano, direktor sa Comelec-7 nga 30 ka adlaw sa pagtapos sa piniliay kinahanglan nga makasumiter na ang nikandidato sa iyang SOCE. Ang SOCE mao ang dokumento nga nagpamatuod nga wala molapas sa gitugot nga kantidad nga gasto ang usa ka kandidato sa piniliay.
Ubos sa lagda nga anaa lang sa P5 ang gastohon sa kandidato sa matag botante.
Matud usab ni Castillano nga anaa ra makita ang forms sa online.
Ang pakyas nga makasumiter niini makamulta og P10 mil alang sa unang kalapasan.
Samtang ang ikaduha nga kapakyasan mahimo nga ma-disqualify sa sunod nga pagpapili og posisyon sa gobiyerno ang nikandidato. (BANAT NEWS)
- Latest
