Parade of Saints gihimo agig pagtak-op sa month of the Rosary

CEBU, Philippines — Gipahigayon sa Sto. Rosario Parish ang Parade of Saints subay sa pagtak-op sa Month of the Holy Rosary niadtong Oktubre 31, 2023.

Kini sukwahi sa gipanghimo sa uban nga magsul-ob og makahadlok nga costumes sa panahon sa pagsaulog sa adlaw sa mga santos ug kalag. Ang maong kalihukan gisugdan sa usa ka Santos nga misa nga gidumala ni Auxiliary Bishop Ruben Labajo, D.D ang Team Moderator sa Team of Pastors sa maong parokya.

Human sa misa gisunod gilayon ang procession sa pipila ka mga dapit ug human sa procession nibalik sa simbahan ug gisunod usab ang presentation sa mga santos.

Gitapos ang maong kalihukan pinaagi sa pagdala sa imahe sa mahal nga birhen sa altar ug ang pag awit alang niini ug pag blessing na usab sa mga tawo nga nitambong sa maong kalihukan.

Ang mga nanambong sa kalihukan mapasalamaton usab sa kasinatian ug sa grasya sa mahal nga Birhen Maria nga gibubo kanila sa kanunay.  (BANAT NEWS)