P2.1 milyones drugas nasakmit sa usa ka semana
CEBU, Philippines — Mokabat sa P2.1 milyones nga balor sa shabu ang nasakmit sa kapolisan sulod sa usa ka semana nga operasyon sa Cebu City Police Office (CCPO) gikan sa Septiyembre 15 hangtud sa petsa 21, 2023.
Sa 28 ka operation miabot usab sa 32 ka drug personalities ang nadakpan, upat sab ka loose firearms ang nakompiskar diin duha ang nadakpan.
Nakapahigayon sab sila og 24 ka operasyon batok sa illegal nga sugal nga miresulta sa pagkasikop sa 66 ka indibidwal ug P3,913 nga kwata ang nasakmit.
Samtang sa padayon nga operasyon batok sa mga pinangita sa balaod duha ka most wanted persons ug 12 ka other wanted persons ang nadakpan.
Suma ni Police Lt. Col. Janette Rafter, Deputy City Director for Operations ug tigpamaba sa Cebu City Police Office nga gitutukan gyud nila ang kampanya batok loose firearms ilabi na sa implementasyon sa COMELEC gun ban isip kabahin sa ilang pagpangandam sa nagkaduol na nga Barangay ug Sangguniang Kabataan Elections 2023.
Naay dakong response sa atong komunidad sa pag-surrender, pag safe keeping sa ilang armas mentras niining nagpahigayon ta sa nanghinangat nga election karong Oktubre 30 , sigon ni Lt. Col. Rafter.
Gitataw sab niini nga bisan paman sa mga ginagmay nga panghitabo apan pabiling hapsay ug malinawon ang Cebu City.
We acknowledge really the isolated cases sa atong panghitabo dinhi sa Cebu City but definitely we assure you that Cebu City is very peaceful and safe for everybody to come and enjoy , suma pa ni Lt. Col. Rafter. (BANAT NEWS)
- Latest
