Contractor, giawhag nga dugangan ang mga trabahante
CEBU, Philippines — Giawhag ni Lapu-Lapu City mayor Junard "Ahong" Chan ang kontraktor sa drainage project sa Basak-Masulog, sa maong siyudad sa pagbutang og dugang trabahante nga motrabaho sa proyekto ilabi na gayod panahon sa gabii.
Ang iyang pag-awhag natigayon human usab sa gihimo niyang pagbisita sa construction site niadtong miaging adlaw.
Nakita sa mayor nga pipila lamang gayod ka trabahante ang gidistino o nagtrabaho panahon sa kagabhion.
Gsugyot ni mayor Chan nga mas maayo nga dunay daghang trabahante panahon sa gabii tungod kay dili lisud ang pagtrabaho ug mapaspasan kini tungod kay dili daghan ang mangagi sa karsada og mahimong tulin ang pagtabaho.
Sa nasayran ang maong drainage project nga giugmad sa First Grandeur Builders ang nagkantidad og P96.420 milyon ug molungtad lamang og 300 ka adlaw ang pagtrabaho nga gisugdan niadtong buwan sa Abril ning tuiga. (BANAT NEWS)
- Latest
