Corals sa Rozul Reef gipanglarot
CEBU, Philippines — Giupawan gikan sa mga corals ang Rozul Reef sa West Philippine Sea nga gituohang binuhatan sa mga Chinese fishing boats nga nasigpatang miangkorahe didto sud sa pipila ka adlaw matud pa sa Armed Forces of the Philippines (AFP).
Si AFP Western Command commander Vice Admiral Alberto Carlo mipahibalo niini kagahapon atol sa "Saturday News Forum" sa Quezon City.
"'Yung swarming areas nila, we pinpointed it. And then when they left, we sent out our divers to do another water survey," matud pang Carlos sa report sa Philippine News Agency. "And then nakita namin na wala nang corals. Nasira na 'yung mga corals and then may mga debris," dugang pa niya. Ang AFP Western Command nagsuspetsa nga kadtong mga nasigpatang miangkoraheng mga Chinese military militia vessels maoy mikuha sa maongh mga corals.
Ang Rozul Reef nga naila sab sa pangalang Iroquios Reef naa sa sud sa 200-nautical-mile Exclusive Economic Zone (EEZ) ug continental shelf sa Pilipinas. Ang Pilipinas lamang adunay katungod nga manguha ug modumala sa tanang resources sa maong lugar.
Sa unang semana ning buwana, ang maritime aerial patrol sa WESCOM nakasigpat og 23 ka mga Chinese fishing vessels sa Rozul Reef, laing lima ka susamang barko ang nasigpatan sa Escoda (Sabina) Shoal ug duha sa Baragatan (Nares) Bank.
Matud pa sa AFP WESCOM kini makonsiderar nga kalapasan sa sobereniya sa Pilipinas ug nakalapas sa sila sa balaod.
"This is the untrained eyes of the Navy divers. So we are coordinating with mga scientists, mga experts, to do their own assessment of the area [Rozul Reef]," puno pang Carlos. "So we already have pinpointed the areas na lagi silang nagswa-swarm. We are not making any conclusions at this time, it's a work in progress, but we'd just want to report that we noticed a coral harvesting in the area where they [Chinese vessels] were seen loitering and swarming."—Gikan sa Philstar.com. (BANAT NEWS)
- Latest
