1,421 nigradwar sa Sugbo Kahanas program sa Kapitolyo
CEBU, Philippines — Moabot sa 1, 421 ka mga Sugboanon ang nakahuman sa short-term technical-vocational courses nga gi-offer sa Probinsya sa Sugbo ubos sa Sugbo Kahanas nga programa niini.
Ang mga migradwar nakadawat og cash allowance ug ingon man toolkits atol sa ilang graduation rites niadtong Septiyembre 1 diha sa Capitol Social Hall.
Ang allowance nga nadawat sa mga benepersaryo nagsugod og P2,200 ngadto sa P9,800 depende kun pila ka adlaw ang ilang training ug aduna pay 2, 500 ka benepesyaryo ang wala pa makatapos sa maong training.
Si Cebu governor Gwen Garcia ug bise gobernador Hilario Davide III, mga miyembro sa Sangguniang Panlalawigan lakip na ang regional ug national nga opisyal sa TESDA ang nitambong sa maong graduation.
Malipayon nga gidapit ni Garcia ang mga benefeciaries dugang sa pagdasig sa ilaha nga gamiton ilang nakat-onan alang sa ilang panginabuhian.
Ang Sugbo Kahanas usa ka programa sa Kapitolyo nga gilusad niadtong tuig 2021 nga ang tinguha mao ang pagtrain kun pagbansay sa mga Sugboanon sa nagkadaiyang skills training sama sa pastry making, welding, driving, dressmaking, massage, driving, ug uban pa.
Ang Kapitolyo nakig-alayon sa TESDA alang sa pagpatuman sa maong programa. (BANAT NEWS)
- Latest
