Kapin sa 3,000 nga nakalapas sa ordinansa ug trapiko sikop

CEBU, Philippines — Niabot ngadto sa 1,724 ka tawo kinsa nakalapas sa ordinansa sa kagamhanan sa Dakbayan sa Lapu-Lapu ang nasikop sa kapolisan sa siyudad ug nakapabayad og multa.

Ang maong gidaghanon nasikop kini sa gihimong operasyon sa Lapu-Lapu City Police Office (LLCPO) gikan sa Agosto 21 hangtud sa Agosto 27, 2023.

Sa maong gidaghanon 138 ka drayber ang naisyuhan og citation tickets, 383 ang nadakpan gumikan sa pagpanigarilyo diha sa publikong lugar, 102 ang nadakpan sa pag-inom og ilimnong  makahubog diha usab sa publikong lugar, 95  ang half-naked diha gihapon sa publikong lugar, ug 136 usab ka menor de edad ang nahipos  sa kapolisan tungod sa paglapas sa curfew.  Samtang sa kalapasan  sa trapiko niabot ngadto sa 1,156 ka drayber nga nakabayad og multa nga nagkangtidad og P645,500 samtang duha ka sakyanan ang  na-impound ug laing walo ka  motosiklo. BDB (BANATNEWS)