Mga kandidato sa Talisay misumiter na sa ilang COC
CEBU, Philippines — Tunga pa lang sa adlaw sa unang adlaw sa pagduso og Certificate of Candidacy (COC) nakatala na og 100 ka kandidato nga nakasumiter sa ilang COC ang Commission on Election sa siyudad sa Talisay.
Ang comelec Talisay midawat sa mga kandidato diha sa people’s hall sa Talisay City Hall aron dako sila og hawan.
Apan ang bugtong gipasulod mao lang ang mga kandidato og gipabilin sa gawas ang pamilya ingon man mga supporters nga mikuyog niini.
Ang kapolisan sa Talisay nakaplastada kini sa sulod ug sa gawas hinungdan nga wala ray kasamok o kagubot nga nabantayan.
Una niini, ang kapolisan ug comelec nipahigayon og checkpoint sa kadalanan sa Talisay aron ipatuman sab ang comelec gun ban.
Ilang gipangsita ang mga nagmotorsiklo nga niresulta sa pag isyu og 16 ka citation ticket ug unom ka motorsiklo ang gipang impound gumikan sa nagkalain-laing kalapasan. (BANAT NEWS)
- Latest
