Midunggab sa iro sa silingan gidakop=
CEBU, Philippines — Usa ka 62-anyos nga senior citizen ang gidakop sa kapolisan sa Liloan Police Station human gireklamo nga kini mipatay og iro sa silingan pinaagi sa pagdunggab niini diha sa Purok Kalubihan sa Barangay Poblacion.
Si Police Major Eric Gingoyon, hepe sa Liloan Police Station miila sa ilang gidakop mao si Alberto Misa Laag, taga Purok Cumbar sa maong barangay.
Ang tag-iya sa iro midangop sa kapolisan human niini nasuta nga gipatay ni Laag ang iyang iro.
Sa imbestigasyon sa kapolisan, giktahong hapit mapaaki sa maong iro ang suspek maong iyaha kining gidunggab og kutsilyo ug namatay. Matud pa napaakan na sab kaniadto og iro ang suspek. Ang suspek pasakaan og kaso nga kalapasan sa Republic Act 8485 o Animal Welfare Act of 1998. — /IBM (BANAT NEWS)
- Latest
