Nangawat og manok, nasakpan nakulatahan
CEBU, Philippines — Nabun-og ang nawong usa ka 45- anyos nga lalake human nadakpan kay nangawat og manok diha sa Purok Burgos, Barangay Poblacion, Lungsod sa Minglanilla pasado alas-4 sa kaadlawon kagahapon.
Ang dinakpan mao si Ernesto Morales, 45, lumad nga taga Barangay Liberty, Bato Leyte apan kasamtangan nga nagpuyo sa Alaska Barangay Mambaling, Siyudad sa Sugbo.
Samtang ang tag-iya sa manok nga gikawat mao si Ramon Tangkay Tagbilaran residente sa Purok Burgos, Barangay Poblacion sa naasoy nga lungsod.
Matod ni Police Captain Kalvin Golitod, hepe sa Minglanilla Police Station ang biktima gikan namista ug sa iyang pag-uli nasugatan niini ang suspek nga gadala og backpack.
Pag-abot sa biktima sa ilang balay nisumbong ang amahan niini nga gikawat ang iyang manok ug ang nagkawat kay nagdala og bag.
Daling gigukod ang suspek hangtud nakuptan ug nagpatabang sa mga tambay ug gidala nila sa Police Station.
Yung suspect po natin ay pagala-gala lang po sa area natin, identified talaga siya, umamin naman siya na involved din siya doon sa ilang nakawan ng manok, yun yung activity niya, sigon ni Golitod. (BANAT NEWS)
- Latest
