OCTA: 65 porsiyento sa mga Pilipino gustong ipatigbabaw ang katungod sa West Philippine Sea

CEBU, Philippines — Pito sa matag napulo ka mga Pilipino o 70 porsiyento sa mga hamtong gusto nga pangusgan ug iinsister sa administrasyong Marcos ang katungod sa nasud sa West Philippine Sea  sumala pa sa survey sa OCTA Research.

Apan nakita sa maong survey sa OCTA Tugon ng Masa (TNM) sa tibuok nasud survey nga gihimo niadtong Hulyo 22 hangtud 26, moabot 65 porsiyento sa mga gipangutana ang mosuporta kun ang Pilipinas mogamit og military action aron ipatigbabaw ang katungod niini sa WPS.

Dinhi sa Visayas 84 porsiyento sa mga gipangutana nagtuo nga kinahanglang himuong prayoridad sa gobiyerno ang pagdepensa sa teritoryo sa WPS pinaagi sa diplomasya ug malinawong paagi.

Sunod ang Mindanao (70 porsiyento), samtang ang National Capital Region (NCR) ug Balance Luzon statistically tied sa 64 porsiyento ug 67 porsiyento.

Apan sa pangutana kun gusto nilang gamitan og pwersa o military action ang pagpatigbabaw sa katungod sa Pilipinas sa WPS, ang NCR (71 percent), Balanced Luzon (69 percent), ug Visayas (68 percent).  Samtang ang Mindanao, 52 percent.

“Completing the top three measures adult Filipinos think should be prioritized is the modernization and strengthening of the Philippine military's capability to protect the country's territories at 61 percent,” matud pa sa OCTA.

Kabahin sa pagpalig-on ug pagpakusog sa kapabilidad sa militar sa nasud, sa mga nag-unang mga lugar sa nasud, 68 porsiyento sa Mindanao ang nisuporta niini, sunod ang NCR ug Balance Luzon sa 65 ug 61 percent.  Samtang gamay lang sa Visayas pinaagi sa 49 percent.

Niadtong Agosto 7, giduso sa Pilipinas ang diplomatic protest bahin sa pagatake sa Chinese Coastguard sa barko sa Philippine Coastguard pinaagi sa pagbomba og tubig samtang ang naulahi nag-escort sa barkong nagdala og supply ngadto sa BRP Sierra Madre sa Ayungin Shoal niadtong Agosto 5.

Gipatawag sa Department of Foreign Affairs (DFA) si Chinese Ambassador Huang Xilian.

Gipadayag sa DFA ang kasagmuyo niini kay wala tubaga sa Chinese Ambassador ang mga tawag para sa maritime communication mechanism sud sa pipila ka oras samtang nahitabo ang maong insidente. — /IBM (BANAT NEWS)