Byahe sa Seabus gikan Mactan ngadto sa Pier 88 sa Liloan sugdan na
CEBU, Philippines — Magsugod na sa pagbyahe sugod karong Agosto 15, 2023 ang State-of-the-art seabuses nga mokarga og pasahero gikan sa Lapu-Lapu City, Mactan ngadto sa Pier 88 Port sa lungsod sa Liloan gikan sa alas 5 sa buntag ngadto sa alas 7 sa gabii, matag adlaw.
Kini ang gipahibawo ni Congressman Duke Frasco human sa gihimong dry run sa byahe sa Seabus gikan sa Mactan Wharf ngadto sa Pier 88.
Ang operator sa Seabus nga mao ang Topline mipasabot nga mao kini ang labing unang rota nga gibuksan alang sa publiko nga magmugna og connectivity tali sa Mactan Island ingon man sa North of Cebu.
Kahinumduman niadtong buwan sa Mayo si President Ferdinand Marcos, Jr. ug Vice President Sara Duterte ni-inagurar sa Liloan Pier 88, ang labing unang smart port sa nasud.
Namugna niadtong tuig 2015 atol sa kataposang termino ni Cong. Duke Frasco isip mayor sa Liloan ug nasugdan ang construction sa panahon sa termino isip mayor ug karon Tourism Secretary Christina Frasco ug hingpit nga nabuksan karong tuiga.
Suma pa ni Cong. Frasco, “The fulfillment of this eight-year long dream project is made more meaningful with the addition of the Seabuses to the routes provided by Liloan’s Pier 88 as it will greatly ease commuter woes, decongest traffic, save time and money, and uplift the quality of life for Liloan, Consolacion, Compostela, and Danao City, and other areas in the North of Cebu.” Suma pa ni Frasco.
Dugang ni Frasco, nga ang Pier 88’s direct route to Mactan Island is “a game changer” alang sa mga commuters gikan sa North of Cebu, ilabi na sa Liloan, Consolacion, Compostela, ug Danao City, nga mahimong mubo na lang ang travel time nga dunay average nga 1 to 2 hours ngadto na lang sa 30 to 45 minutes.
Ang plete sa Seabus nagsugod sa P35, diin ang matag Seabus maka accommodate og 150 ka pasahero. PR/MEL
- Latest
