“Batang Pasil” nisulod sa PNPA, tinguha nga mausab ang imahe sa kapolisan
CEBU, Philippines — Ang tinguha nga makatabang sa katawhan pinaagi sa iyahang mga adbokasiya ug mausab ang sistema sa nasud ang rason nganong misulod sa Philippine National Police Academy (PNPA) si Cadet First Class Rey Alfred Daño sa PNPA Layag-diwa class of 2024.
Si Police Cadet Rey Alfred Daño, 23 anyos, lumad nga taga Pasil ug gikan sa pamilya sa mga police sanglit ang iyahang amahan nga mitaliwan usa ka police ug ang duha ka igsuon sab niini pulos police nga nadestino karon sa Cebu City Police Office(CCPO).
Sa wala pa mosulod sa PNPA si Daño ni-gradwar kini sa kursong Bachelor of Science in Criminology sa University of Cebu main campus.
Apan sa iyahang college days, nagtinguha na kini nga mahimong miyembro sa PNPA ug aron makab-ot ang maong damgo mikuha siya og exam sa PNPACAT niadtiong tuig 2017 apan napakyas.
Bisan paman sa maong kapakyasan wala mawagtangi og paglaom si Daño ug mas naningkamot, nakuha niya ang iyang lisensiya sa criminology ug nakapasar sab kini sa Civil Service - Professional exam.
Niadtong tuig 2020, subling nikuha sa PNPACAT si Daño ug nakapasar ug naa sa katapusang hugna sa processing, apan pagbuot sa kapalaran nga wala siya maapil sa final list sa successful applicants nga manumpa ug mahimong miyembro sa academy.
Nahimo kining reserved applicant ug human sa usa ka buwan nga paghuwat nahatagan siya og higayon nga manumpa ug mahimong sakop sa long maroon line sa PNPA.
“Before entering the academy na foreseen ko po kung ano ang pwedeng mangyari sa loob kasi ako po ay isang criminology student, nakapagdaan din po ako ng mga rigorous na training, tapos as advice din po sa naging kakilala ko na mga police, mga opisyal po tsaka mga kapatid ko po may rigid training sa loob in which mahihirapan ka talaga”, suma ni Daño.
Hangtud karon wala kalimti ni Daño ang gisulti sa iyahang amahan nga "Work hard so that you may be able to make the world a better place to live with".
Kasamtangan karon nga third year si Cadet First Class Daño ug maoy Company Finance Officer sa Echo Company.
Sa pangutana kun unsaon niini nga mausab ang imahe sa PNP ilabi na sa mga kontrobersiya nga giatubang karon sa kapolisan siya niingon, “Personally, my believe, on my end bilang isang kadete po ng PNPA para ma change ko yung image ng ating kapolisan sa lahat ng mga naging issue at tsaka mga pangit na nangyari sa PNP gawin po nating inspirasyon o motivation in which para may alam tayo na hindi na natin dapat gawin yun na pagdating ng araw alam natin na mali yung wag na natin gawin”. (BANAT NEWS)
- Latest
